ارشد شریف کیس؛ تحقیقاتی ٹیم میں چند ہی گھنٹوں میں اہم تبدیلی
اسلام آباد(نیاٹائم)ارشد شریف قتل کیس کی تحقیقاتی ٹیم میں چند ہی گھنٹوں میں اہم تبدیلی کرتے ہوئے آئی ایس آئی افسر کو ہٹا دیا گیا ہے۔
فیڈرل گورنمنٹ نے کینیا میں قتل ہونے والے سینئر صحافی ارشد شریف کی انوسٹی گیشن کے لیے بنائی جانے والی ہائی پروفائل ٹیم کی تشکیل نو کرکے اسے تین رکنی سے کم کرکے دو رکنی کردیا۔ٹیم میں اب آئی ایس آئی نمائندہ کو ٹیم سے ہٹایا گیا ہے۔ وزارت داخلہ نے نوٹیفکیشن جاری کردیا جس کے مطابق ٹیم میں اب انٹیلی جنس بیورو (آئی بی) اور فیڈرل انویسٹی گیشن ایجنسی (ایف آئی اے) کے نمائندے شامل ہیں۔
اس سے قبل جاری کیے گئے حکم نامے میں ٹیم میں انٹر سروسز انٹیلیجنس سروس (آئی ایس آئی) کے افسر کو تحقیقاتی ٹیم میں شامل کیا گیا تھا ۔ ٹیم تحقیقات کے لیے فوری طور پر کینیا جائے گی اور وزارت داخلہ کو رپورٹ جمع کرائے گی۔اس حوالے سے وزیرداخلہ کا کہنا تھا کہ ارشدشریف کے قتل کا دلی افسوس ہے تحقیقات ضرور کروائیں گے۔
