تین سالہ بچہ اپنی ماں کیخلاف شکایت لیکر تھانے کیوں پہنچا
نئی دہلی(نیاٹائم)بھارت کے شہر میں ایک منفرد واقعہ پیش آیا جس میں تین سال کا بچہ اپنی ماں کی شکایت لے کر تھانے پہنچ گیا۔
بھارتی ریاست مدھیہ پردیش میں 3 سال کا بچہ اپنی ماں کے خلاف شکایت لے کر پولیس اسٹیشن پہنچ گیا۔ بچے نےپولیس اسٹیشن کے عملے سے ماں کی کمپلینٹ کرتے ہوئے کہا کہ وہ اس کو ٹافیاں کھانے نہیں دیتیں اورتھپڑمارتی ہیں اس لیے انہیں حراست میں لے لیا جائے۔3 سال کے صدام کو اسکے والد ضد کرنے پر پولیس اسٹیشن لیکر پہنچے تو تھانے کااسٹاف اتنے کم عمر شکایت لے کر آنے والے کو دیکھ کر دنگ رہ گئے۔
بچے نے خاتون سب انسپکٹر کو اپنی والدہ کے خلاف شکایت لکھوائی اور انہیں گرفتار کرنے کی استدعا کی۔خاتون افسر نے بچے کو پیار کیا اور جھوٹ موٹ اس کی شکایت درج کرکے ایک کاغذ پر باقاعدہ اس کے سائن بھی کروائے۔پولیس افسر نے بچے کو یقین دہانی کروائی کے اسکی ماں کوجلد پکڑ لیا جائے گا۔ ماں کے خلاف پولیس اسٹیشن پہنچنے والے بچے کی ویڈیو سوشل میڈیا پر وائرل ہوگی۔
