افغانستان میں لڑکی نے خودکشی کرلی مگر کیوں
کابل(نیاٹائم)افغانستان کے صوبہ غور میں طالبان اہلکار ایک لڑکی کو سنگسار کرنے ہی لگے تھے کہ اس نے اسکارف سے اپنا گلا گھونٹ کر خودہی زندگی کا خاتمہ کرلیا۔
عالمی خبر رساں ادارے کے مطابق افعانستان کے صوبہ غور میں پسند کی شادی کیلئے گھر سے بھاگنےوالے جوڑے کو طالبان اہلکاروں نےگرفتار کرکے زنا کے الزام میں سنگسار کرنے کی سزا سنائی۔لڑکے کی سزا پر عمل درآمد تیرہ اکتوبر کو پھانسی دیکر کرکیا گیا تھا اور آج لڑکی کو سرعام سنگسار کی سزا دی جانی تھی لیکن لڑکی نے عین موقع پر اسکارف سے اپنا گلا گھونٹ کر موت کو گلے لگایا۔افغانستان میں طالبان کی گورنمنٹ کے قیام کے بعد سے مرکزی بینک سمیت تمام عالمی فنڈز منجمد کیے گئے تھے جس کی وجہ سے ملک کو شدید مالی بحران کا سامنا ہے اور ملک میں غربت نے اپنے پنجے جما رکھے ہیں۔
لوگ اپنی بیٹیاں بیچنے پر مجبور ہوگئے ہیں۔اس تمام صورت حال کی وجہ سے افغان لڑکیوں میں گھر سے فرار ہوکر شادی کرنے کے رجحان میں اضافہ نظر آیا۔ خواتین اپنے مستقبل کے حوالے سے شدید عدم تحفظ کا شکار ہوچکی ہیں۔واضح رہے کہ طالبان نے گزشتہ سال پندرہ اگست کو افغانستان میں حکومتی امور سنبھال لیے تھے اور تب سے لڑکیوں کی سیکنڈری تعلیم، خواتین کی ملازمتوں اور نامحرم کے بغیر سفر کرنے پر پابندی عائد کی گئی ہے۔
