پاکستان کور کمانڈرز کا ایٹمی کمانڈ کنٹرول سٹرکچر پر مکمل اعتماد کا اظہار،آئی ایس پی آر
راولپنڈی(نیاٹائم) آرمی چیف جنرل قمر جاوید باجوہ کی سربراہی میں ہونے والی کورکمانڈرز کانفرنس میں ایٹمی کمانڈاورکنٹرول سٹرکچر پر مکمل اعتماد کا اظہار کیا گیا ہے۔آرمی چیف جنرل قمر جاوید باجوہ کی سربراہی میں کور کمانڈرز کانفرنس ہوئی جس میں ملک کی اندرونی و بیرونی سکیورٹی صورت حال کاجائزہ لیاگیا ہے۔
لال حویلی خالی کرنے کے نوٹس کیخلاف فیصلہ محفوظ
آئی ایس پی آر کورکمانڈرزکانفرنس میں سیلاب کے بعدریلیف اور بحالی کےکاموں کاجائزہ لیاگیا ہے اور سندھ، بلوچستان میں سیلاب کے بعد کی صورت حال پر غور کیا گیا۔آئی ایس پی آر کے مطابق کورکمانڈرز کانفرنس میں ایٹمی کمانڈاورکنٹرول سٹرکچر پر مکمل اعتماد کا اظہار بھی کیا گیا۔آئی ایس پی آر کے مطابق کور کمانڈرز کانفرنس میں کہا گیا ہےکہ پاکستان ایٹمی ہتھیاروں سے لیس ذمہ دار ملک ہے اور پاکستان نے اپنی ایٹمی سکیورٹی رجیم مضبوط بنانے کے لیے تمام تر ضروری اقدامات کیے ہیں،ملک کے سٹریٹجک اثاثوں کے سکیورٹی انتظامات بھرپور ہیں۔آئی ایس پی آر کے مطابق اس موقع پر آرمی چیف جنرل قمر جاوید باجوہ نے کہا کہ پاک فوج ہر قسم کے خطرات سے ملک کے دفاع کیلئےتیار ہے۔
