سٹیرنگ ویل کے بغیر چلنےوالی گاڑی کےبارے میں جانیئے
دبئی(نیاٹائم ویب ڈیسک)دبئی میں جاری دنیا کا سب سے بڑا ٹیک شو 'جائٹکس گلوبل' میں ایک ایسی کمال گاڑی کو پیش کیا گیا جو سٹیئرنگ ویل کے بغیر ہی چلتی ہے۔جی ہاں! یہ کارجدید ٹیکنالوجی کا ایک نمونہ ہے جسے جائٹکس گلوبل میں پیش کیا جارہا ہے۔
بین الاقوامی میڈیا رپورٹس کے مطابق مکمل طور پر مصنوعی ذہانت پر مشتمل ایک ایسی کار بنائی گئی ہے، جو ٹیکنالوجی میں ایک نئی جدت ہے، یہ گاڑی سٹیئرنگ ویل کے بغیر چلتی ہے۔اس کے علاوہ اس گاڑی میں کیمرا بھی موجود ہے اور یہ یوزر کی آواز کی پہچان اور اس کے چہرے کی شناخت کی صلاحیت بھی رکھتی ہے، گاڑی کی وینڈ شیلڈ کو ایک سکرین میں بدلا گیا ہے جو باہر کی دنیا دکھانے میں مدد فراہم کرےگی۔اس پروٹو ٹائپ کار کے تخلیق کاروں کا بتانا ہے کہ اس قسم کی گاڑی بنانے کا بنیادی مقصد ٹائم کی بچت ہے، اس میں من پسند میوزک سننے، گیم کھیلنے اور مووی دیکھنے کا فیچر بھی موجود ہے۔
اسکے علاوہ انسانی ہیلتھ کو مد نظر رکھتے ہوئے کار کی سیٹ پر سینسرز بھی لگائے گئے ہیں جو سوار ہونے والے کے بلڈپریشر، جسم کے درجہ حرارت اور ذہنی اور جسمانی پریشر کے بارے میں بھی آگاہ کریں گے۔اس پروٹو ٹائپ کار کو 'کیڈیلک' نے بنایا ہے اور اس کارکی پروڈکشن 2030 تک عمل میں لائی جائے گی۔اس کے علاوہ جائٹکس گلوبل میں ہوا میں اُڑنے والی کار بھی توجہ کا مرکز ہے جس میں مزید جدت لائی گئی ہے، ٹیکنالوجی سے مالامال جائٹکس کا یہ میلہ 14 اکتوبر تک سجارہے گا۔
