مریم اور میرے خلاف مقدمات سیاسی تھے ، نواز شریف
لندن (نیا ٹائم ویب ڈیسک)ایون فیلڈ ریفرنس سے بریت پر نواز شریف نے اپنی صاحبزادی مریم نواز کو مبارکباد دیتے ہوئے کہا ہے کہ مریم کے خلاف بنائے گئے مقدمات جھوٹے تھے ، انہوں نے کہا کہ مریم اور میرے خلاف بنائے گئے مقدمات سیاسی تھے جن کا مقصد ہمیں سیاست سے باہر کرنا تھا ۔
نواز شریف نے کہا کہ اللہ نے جھوٹوں کو آج بے نقاب کر دیا ہے ۔ 2018 ء کے انتخابات میں حصہ لینے سے روکنے کیلئے ہمارے خلاف عجلت میں فیصلہ سنایا گیا ۔ قائد مسلم لیگ ن نے کہا کہ ہمارے خلاف مقدمات قائم کرنے والے چاہتے تھے کہ میں کبھی پاکستان واپس نہ آوں ، بیمار بیوی کو چھوڑ کر بیٹی کے ہمراہ پاکستان آ کر گرفتاری دی ۔
واضح رہے اسلام آباد ہائیکورٹ نے ایون فیلڈ ریفرنس میں مسلم لیگ ن کی مرکزی نائب صدر مریم نواز کی 7 سال کی سزا کالعدم قرار دے کر انہیں بری کرنے کا فیصلہ جاری کیا ہے ۔
