اسحاق ڈار احتساب عدالت کے سامنے سرنڈر نہ کر سکے
اسلام آباد (نیا ٹائم) سابق وزیر خزانہ اسحاق ڈار آمدن سے زائد اثاثے کے کیس میں جج محمد بشیر کے چھٹی پر ہونے کے باعث احتساب عدالت کے سامنے سرنڈر نہ کر سکے ۔
اسلام آباد کی احتساب عدالت میں سابق وزیر خزانہ اسحاق ڈار کی ممکنہ پیشہ کے حوالے سے سکیورٹی کے انتہائی سخت انتظامات کئے گئے تھے ۔ وزیر داخلہ رانا ثناء اللہ ، آئی جی اسلام آباد ، مسلم لیگ ن کے رہنما حنیف عباسی ، سمیت محسن شاہ نواز رانجھا اور ان کے حامی وکلا فیڈرل جوڈیشل کمپلیکس پہنچے تاہم وکلاء کی طرف سے بتایا گیا کہ احتساب عدالت نمبر ایک کے جج محمد بشیر کے چھٹی پرہیں جس کے باعث عدالت میں پیش نہیں ہوا جا سکتا ۔
وزیر داخلہ رانا ثناء اللہ نے آئی جی اسلام آباد سے کہا کہ جس روز جج صاحب آئیں تو ہم اسی روز دوبارہ آ جائیں گے ۔ جج کی چھٹی کا سن کر وزیر داخلہ اور مسلم لیگ ن کے رہنما جوڈیشل کمپلیکس سے واپس چلے گئے ۔
احتساب عدالت نے اسحاق ڈار کے دائمی وارنٹ گرفتاری 7 اکتوبر تک معطل کئے گئے تھے ۔ عدالت نے تحریری حکم میں کہا تھا کہ اسحاق ڈار کے وارنٹس گرفتاری ان کی عدالت میں حاضری یقینی بنانے کے لیے تھے ۔ ملزم خود عدالت میں پیش ہونا چاہتا ہے تو اسے ایک موقع دیا جانا چاہئے ۔
واضح رہے نیب نے اسحاق ڈار کے خلاف 8 ستمبر 2017 ء کو آمدن سے زائد اثاثوں کا ریفرنس دائر کروایا تھا ۔ 27 ستمبر 2017 کو نیب عدالت نے اسحاق ڈار پر فرد جرم عائد کی تھی ۔ 11 دسمبر 2017 کو عدالت نے اشتہاری قرار دیتے ہوئے دائمی وارنٹ گرفتاری جاری کئے گئے تھے ۔
