• Friday, 30 September 2022
عمران خان نے حتمی تحریک کا اعلان کر دیا ، عوام سے ساتھ دینے کی اپیل

عمران خان نے حتمی تحریک کا اعلان کر دیا ، عوام سے ساتھ دینے کی اپیل

لاہور (نیا ٹائم)چیئرمین پاکستان تحریک انصاف عمران خان نے ہفتے سے حکومت کے خلاف حتمی تحریک شروع کرنے کا اعلان کر دیا ۔ عوام سے تحریک میں ساتھ دینے اور باہر نکلنے کی اپیل کر دی ۔

لاہور میں وکلاء کنونشن سے خطاب کرتے ہوئے عمران خان نے کہا کہ ملک کو سب سے زیادہ ضرورت قانون کی بالادستی کی ہے ۔ انصاف کے نظام کو ٹھیک کئے بغیر ملکی معیشت ٹھیک نہیں ہو سکتی ، انہوں نے کہا کہ جب تک ملک میں قانون کی بالادستی نہیں ہوتی بیرونی سرمایہ کاری نہیں آئے گی ۔

انہوں نے کہا کہ قانون کی بالادستی قائم نہ ہو تو ملک میں کرپشن ہوتی ہے ۔ موجودہ صورتحال میں وکلاء پر بڑی ذمہ داریاں ہیں ۔ انہوں نے کہا کہ آئی ایم ایف ، ورلڈ بینک کہتے ہیں کہ پاکستان سری لنکا بننے جا رہا ہے ۔ آج پاکستان میں مہنگائی تاریخ کی بلند ترین سطح پر ہے ۔ ہم ملک کو اس دلدل سے نکالیں گے ۔

چیئرمین پی ٹی آئی عمران خان نے کہا کہ بیرون ملک 5 لاکھ پاکستانی سرمایہ کاریی کر دیں تو کسی سے قرض مانگنے کی ضرورت نہ پیش آئے ۔

انہوں نے کہا کہ کوئی بھی آپ کو نامعلوم نمبر دے دھمکی دے تو اسے جوابی دھمکی دیں اس کو دھمکی دیں کہ آزادی اظہار رائے میرا آئینی و قانونی حق ہے ۔

سابق وزیر اعظم نے حکومت کے خلاف تحریک چلانے کا اعلان کرتے ہوئے کہا کہ ہفتے سے حکومت کے خلاف میری تحریک شروع ہو جائے گی ۔ جب آپ کو کال دوں تو میرے ساتھ نکلو ، کوئی ایک مغربی ملک ایسا نہیں جس کے وزیر اعظم کے اربوں روپے کے پراپرٹی ملک سے باہر ہو ۔ انہوں نے کہا کہ پڑوسی ملک بھارت کے وزیر اعظم نریندر مودی کی باہر کتنی پراپرٹیز ہیں ؟ کسی ملک میں ایس کوئی تصور ہی نہیں کہ کسی ملک کا وزیر اعظم بیرون ملک پراپرٹیز رکھے ۔

 

حکومت پی ٹی آئی کے خلاف کارروائی کرنے میں ناکام