کراچی کے دھماکوں میں بھارتی ہاتھ ملوث ہونے کا انکشاف
کراچی (نیا ٹائم )شہر قائد میں ہونے والے حالیہ بم دھماکوں کی تجزیاتی رپورٹ تیار کر لی گئی ، قانون نافذ کرنے والے اداروں کی طرف سے تیار کی گئی تجزیاتی رپورٹ میں کئی اہم انکشافات سامنے آئے ہیں ۔
رپورٹ کے مطابق کراچی میں ہونے والے خود دھماکے سمیت تینوں بم دھماکوں میں بھارتی خفیہ ایجنسی "را" کے ملوث ہونے کا انکشاف ہوا ہے ۔ رپورٹ میں بتایا گیا ہے کہ کراچی کے علاقے صدر اور کھارا در کی بولٹن مارکیٹ دھماکوں میں تین دہشت گرد گروہوں نے ایک دوسرے کی مدد کی ۔
تجزیاتی رپورٹ کے مطابق کراچی کے علاقے صدر اور کھارادر کی بولٹن مارکیٹ میں ہونے والے دھماکوں میں تین دہشتگرد گروہوں نے ایک دوسرے کی معاونت کی۔
رپورٹ کے مطابق دہشت گرد گروپوں نے متحدہ لندن کے سلیپر سیل سے مبینہ طور پر علاقوں کی ریکی کا کام لیا ۔ رپورٹ میں مزید انکشاف کیا گیا ہے کہ دھماکوں میں استعمال ہونے والے میٹریل اور بم بنانے اور نصب کر کے دھماکے کرنے کا کام کالعدم تنظیم بی ایل اے کا ماضی میں بھی طریقہ رہا ہے تاہم ایس آراے بھی اندرون سندھ میں ایسے ہی کام کرتی رہی ہے ۔
تحقیقاتی اداروں کی طرف سے تیار کی گئی تجزیاتی رپورٹ میں کہا گیا ہے کہ شہر قائد میں ہونے والے حالیہ دھماکوں میں بھی بم نصب کرنے اور دھماکے کرنے میں کالعدم ایس آر اے سے مدد لی گئی ہے ۔ جبکہ دھماکوں کا بنیادی مقصد قانون نافذ کرنے والوں کے ساتھ ساتھ تجارتی علاقوں کو بھی نشانہ بنانا ہے ۔
