ہیٹ سٹروک سے جاں بحق ہونیوالے کھلاڑی کے گھر سوگ کا عالم
کراچی(نیاٹائم)اتوار کے دن کراچی کے کرکٹ گراؤنڈ میں مبینہ طور پر ہیٹ سٹروک سے جاں بحق ہونے والے کرکٹر عمر خان کے گھر پر سوگ کاعالم ہے۔
کراچی کا گرم موسم کھلاڑیوں کیلئے بھی پریشانی کی وجہ بن گیا ہے، دو دن قبل کھیل کے میدان سے موت کے منہ میں جانے والے عمر خان کے گھر سوگ کا سماں ہے۔جاں بحق ہونے والے کرکٹر کے بھائی کا بتانا ہے کہ عمر کے دو بچے ہیں اور اُن کی بیوی کینسر کی مریضہ ہیں، عمر کسی قسم کی کوئی دوا نہیں لیتے تھے اور وہ اپنی غذا کا بہت خیال رکھتے تھے۔
دوسری طرف ٹیم کے کپتان محمد یاسر نے وہ شرٹ دکھائی جو اپنا آخری میچ کھیلتے ہوئے پہنے ہوئے تھے ، ان کا کہنا تھا کہ برین ہیمبرج کےباعث عمر جان کی بازی ہارگئے۔محمد یاسر نے بتایا کہ عمر خان نے میچ کی جو آخری بال کرا ئی وہ اُن کی زندگی کی بھی آخری بال ثابت ہوئی، ٹیم کی ٹرافی اور میچ کی شرٹ عمر کی یادوں کو ہمیشہ زندہ رکھے گی۔
