برینڈن میککولم کس ٹیم کے ہیڈ کوچ کی ذمہ داری نبھائیں گے
لندن(نیاٹائم)نیوزی لینڈ کے سابق کپتان برینڈن میک کولم کو انگلینڈ کرکٹ بورڈ (ای سی بی) نے ٹیسٹ ٹیم کا ہیڈ کوچ کی ذمہ داری سونپ دی ہے۔
رائٹرزکے مطابق برینڈن میک کولم کو کرس سلور ووڈ کی جگہ کوچ بنایا گیا ہے جنہوں نے فروری میں آسٹریلیا میں ایشزسیریزمیں انگلینڈ کی 4-0 سے شکست بعد کوچ کے عہدے سے دستبردار ہوئے تھے۔اس سے پہلے پال کولنگ ووڈ نے نگران کوچ کے طورپر فرائض سرانجام دے رہے تھے۔ چالیس سالہ برینڈن میک کولم ابھی انڈین پریمیئر لیگ ٹوئنٹی ٹوینٹی ٹیم کولکتہ نائٹ رائیڈرز کے انچارج بھی ہیں۔
ای سی بی کے مطابق برینڈن میک کولم دو جون کو لارڈزمیں شروع ہونے والی تین ٹیسٹ میچزکی سیریز کیلئے نیوزی لینڈ کے وزٹ کے وقت اپنی ذمے داریاں سنبھالنے کے لیے میسر ہونگے۔ ای سی بی کے مینیجنگ ڈائریکٹر روب نے کہا کہ ہم برینڈن میک کولم کی انگلینڈ کی مردوں کی ٹیسٹ ٹیم کے ہیڈ کوچ کے طور پر تصدیق کرتے ہوئے بہت خوش ہیں، کھیل کے بارے ان کے خیالات اور ان کے وژن کو سمجھنا قابل فخر ہے۔ برنڈن میک کولم کا کرکٹ کلچر اور ماحول کو تبدیل کرنے کا ایک ریکارڈ ہے وہ انگلینڈ کی ریڈ بال کرکٹ کیلئے بھی اسطرح کریں گے۔
ای سی بی کے مینیجنگ ڈائریکٹرروب کی نے مزید کہا کہ ہم خوش قسمت تھے کہ اس عہدے کی سلیکشن کیلئے معیاری امیدواروں کی ایک مضبوط لسٹ ہمارے پاس موجود تھی، فہرست میں موجود برینڈن میک کولم ہمارے امیدواروں کی فہرست میں نمبر ون تھے، جبکہ جنوبی افریقہ اور بھارت کے سابق ہیڈ کوچ گیری کرسٹن اور کالنگ ووڈ بھی ہمارے امیدواروں کی لسٹ میں شامل تھے۔
