کراچی میں پانی کا مسئلہ شدید ہونے کا خدشہ  پیدا ہو گیا

کراچی میں پانی کا مسئلہ شدید ہونے کا خدشہ  پیدا ہو گیا

کراچی (نیا ٹائم)سندھ بھر میں پانی کا مسئلہ شدت اختیار کرنے کا خدشہ پیدا ہو گیا ، کراچی کو پانی فراہم کرنے والی بڑی کینجھر جھیل میں پانی ڈیڈ لیول تک پہنچ گیا ، کراچی میں پانی کی قلت پیدا ہونے کا خدشہ پیدا ہو گیا ۔

دریاوں میں پانی کی قلت اور طویل خشک سالی کے بعدایک نئی پریشانی نے سندھ باسیوں اور کراچی کے شہریوں کو گھیر لیا ۔ کینجھر جھیل کے اسسٹنٹ انجینئر کے مطابق جھیل میں پانی کی سطح 56 فٹ سے کم ہو کر 48 فٹ پر آ گئی ہے ۔ اسسٹنٹ انجینئر کے مطابق پانی کی سطح 42 فٹ تک آنے پر کراچی کو پانی کی فراہمی معطل ہو جائے گی ۔

کینجھر جھیل کے اسسٹنٹ انجینئر کے مطابق کراچی کو یہاں سے روزانہ کی بنیاد پر 1200 کیوسک پانی فراہم کیا جاتا ہے ، فوری طور پر بارشیں نہ ہوئیں اور گلیشیئرز کا پانی جھیل تک نہ پہنچا تو صورتحال مزید خراب بھی ہو سکتی ہے ۔

واضح رہے سندھ بھر میں طویل عرصے سے بارشیں نہ ہونے اور دریاوں میں پانی نہ ہونے کی وجہ سے پہلے ہی پانی کا شدید مسئلہ درپیش ہے ۔ سندھ حکومت نے پانی کی قلت والے علاقوں میں چاول کی کاشت پر بھی پابندی لگا دی ہے ۔

 

پانی کا بحران، بلاول بھٹونے کابینہ اجلاس میں آواز بلند کردی