اداکارہ صبا قمر اور گلوگار بلال سعید اہم کیس سے بری
لاہور(نیا ٹائم)لاہور کی مسجد وزیر خان میں گانے کی شوٹنگ کے الزام پرپاکستانی اداکارہ صبا قمر اور گلوکار بلال سعید کو بری کردیا گیا۔
لاہور کے ایڈیشنل سیشن جج محمد مشتاق نے پاکستانی اداکارہ صبا قمر اورگلوکارہ بلال سعید کی بریت کی درخواستیں منظور کیں اور انہیں بےقصور قراردے دیا۔واضح رہے کہ اگست 2020 میں صبا اور بلال کے البم کے ایک گانے کی ویڈیو سماجی رابطوں پر وائرل ہوئی تھی جس میں دونوں فن کار لاہور کی مسجد وزیر خان میں ایک ساتھ دیکھے جا سکتے ہیں۔سوشل میڈیا پر دونوں فن کاروں کی جانب سے اپنے گانے قبول ہے کے ٹیزر کے ساتھ کیپشن شیئر بھی کیا تھا جس میں انہوں نے لکھا کہ یہ وہ واحد حصہ ہے جو تاریخی وزیر خان مسجد میں فلمایا گیا تھا اور یہ میوزک ویڈیو کا تعارفی حصہ ہے جس میں نکاح کا منظرنامہ پیش کیا گیا ہے۔
اداکاراوں کا مزید کہنا تھا کہ اسے نہ تو کسی طرح کے پلے بیک میوزک کے ساتھ شوٹ کیا گیا تھا اور نہ ہی یہ میوزک ٹریک کا حصہ ہے۔ ویڈیو سماجی رابطوں کی ویب سائٹس پر وائرل ہوتے ہی دونوں فن کاروں کو شدید تنقید کا سامنا کرنا پڑا ۔ سوشل میڈیا صارفین کا کہنا تھا کہ ان دونوں نے مسلمانوں کے جذبات کو مجروح کرنے کے ساتھ ساتھ مقدس مقام کی بے حرمتی بھی کی ہے اس لیے دونوں کیخلاف ایکشن لینا چاہیےتاہم بعد میں دونوں شخصیات کیجانب سے اس معاملے پر معافی بھی مانگی گئی تھی جبکہ محکمہ اوقاف کی طرف سے مسجد میں گانے کی عکسبندی کی اجازت دینے پر مسجد کے منیجرکو بھی معطل کر دیا گیاتھا۔
شاہ رخ کا ہمشکل ہونا مہنگا پڑگیا
