چوہدری شجاعت نے نواز شریف کے متعلق بڑی بات کہہ دی

چوہدری شجاعت نے نواز شریف کے متعلق بڑی بات کہہ دی

لاہور ( نیا ٹائم ) حکومتی اتحادی جماعت پاکستان مسلم لیگ ق کے سربراہ چوہدری شجاعت حسین نے نواز شریف سے متعلق بڑی بات کہہ دی ، حکومت کو مشورہ دیا کہ مسلم لیگ نوازکے بانی کی واپسی کے معاملے سے ہٹ کر وہ عوامی مسائل پر توجہ دے ۔

چوہدری شجاعت حسین نے کہا سابق وزیر اعظم پر جتنے پیسوں کا الزام لگا ہے اس سے زیادہ ان کے کیسز پر خرچ کر دیا ، کچھ بھی ہو جائے نواز شریف واپس نہیں آئیں گے ۔

انہوں نے کہا کہ آج کل سابق وزیر اعظم کی واپسی کی فکر ہر کسی کو لگی ہے تاہم جو کچھ مرضی کر لیں وہ واپس نہیں آئیں گے ۔ اگر یہ بات ان کی پارٹی اور ورکرز کہیں تو اور بات ہے ۔ انہوں نے کہا جو خود وزارت عظمیٰ کے امیدوار ہیں ان کے منہ  سے نواز شریف کی واپسی کا بیان مضحکہ خیز لگتا ہے ۔

سربراہ پاکستان مسلم لیگ ق نے کہا کہ یہ سال کام کا ہے ، اگر ایسے کاموں میں لگے رہے تو پھر ملک کا اللہ ہی حافظ ہے ۔ کوئی بھی پارٹی پارلیمنٹ میں مہنگائی کے خاتمے کا مثبت پلان دے تو میں اپنے ارکان سے کہوں گا کہ وہ ان کی بات پر غور کریں ۔

انہوں نے کہا کہ جتنے پیسوں کا الزام سابق وزیر اعظم پر لگا ہے اس سے کہیں زیادہ ان کے کیسوں پر خرچ کر دئیے گئے ہیں ۔ اگر مسلم لیگ ن کی واپسی کیلئے کسی گارنٹی کی بات کرتے ہیں تو زندگی موت کی گارنٹی کوئی نہیں دے سکتا ۔  انہوں نے کہا کہ زندگی موت صرف اللہ کے ہاتھ میں ہے ۔

چوہدری شجاعت حسین نے کہا آج کے لیڈرز ایک دوسرے کی ٹانگیں کھینچنے میں لگے ہیں جس کا انجام بھی عنقریب وہ خود دیکھ لیں گے ۔

 

منظور وسان نے نواز شریف کی واپسی کا خواب دیکھ لیا