مری میں 6 انچ تک برف پڑ چکی ، سیاحوں کیلئے الرٹ جاری
مری( نیا ٹائم ) مری میں ایک بار پھر برفباری کا سپیل جاری ہے ۔ گزشتہ گھنٹے کے دوران مری میں 6 انچ کے قریب برف پڑ چکی ہے ۔ جس کے بعد انتظامیہ نے سیاحوں کے لیے الرٹ جاری کر دیا ہے ۔
انتظامیہ کی جانب سے جاری کی جانے والی ایڈائزری میں کہا گیا ہے کہ مری کا سفر کرنے والے محتاط رہیں ۔ برفباری کے دوران سفر کرتے ہوئے پھسلن سے بچنے کیلئے گاڑیوں کے ٹائرز میں ہوا کا دباؤ کم رکھنے کے ساتھ ساتھ چین ٹائرز پر چین استعمال کیا جائے ۔
ملکہ کوہسار مری میں برفباری کے نئے سلسلہ کے دوران محکمہ موسمیات اور ٹریفک پولیس نے سیاحوں کو احتیاط کرنے کا مشورہ دیا ہے ۔ شام 5 سے صبح 5 بجے تک سیاحوں کے مری داخلے پر بھی پابندی عائد کر دی گئی ہے ۔ ٹریفک پولیس کے اعداد وشمار کے24 مطابق اس وقت مری میں 1355 گاڑیاں موجود ہیں جبکہ 8000 گاڑیوں کو مری میں داخلے کی اجازت نہیں دی گئی ۔
محکمہ موسمیات کی جانب سے آج اور کل مری سمیت گلیات ، ناران ، کاغان اور ہنزہ میں درمیانی سے شدید برفباری کا امکان ظاہر کیا ہے جبک شدید برفباری سے سڑکیں بھی بند ہونے کا خدشہ ظاہر کیا گیا ہے ۔
