قیدیوں کیلئے خوشخبری
لاہور (نیا ٹائم ) حکومت پاکستان نے عید میلاد النبی ﷺ کے موقع پر ملک بھر کی جیلوں میں قیدیوں کی سزا میں 90 دن کی کمی کا اعلان کر دیا ۔
وزارت داخلہ نے صوبوں کے ہوم سیکرٹریز کو سزا معافی کا نوٹیفکیشن بھیج دیا ہے۔ قیدیوں کو قتل ، غداری اور سنگین جرائم میں ملوث افراد کے علاوہ 90 دن تک سز ا معافی ملے گی ۔
عمر قید کی دو تہائی سزا کاٹنے والے قیدیوں کو 90 روز کی سزا معافی بھی مل سکے گی اور عمر قید کی ایک تہائی سزا کاٹنے والے 65 سال سے زائد عمر کے مرد قیدیوں پر لاگو ہوگا ۔اس نوٹی فکیشن کا اطلاق 60 سال سے زائد عمر کی خواتین قیدیوں پر بھی ہوگا ۔
